【本報訊】不少屯門市廣場居民對曲藝團體發出的聲浪表示苦不堪言，常要忍耐噪音的滋擾，居民指每日受盡疲勞轟炸。有晨運客指曲藝團體發出的聲音過大，掩蓋他們的音樂聲，令他們無法跳舞。
屯門市廣場居民徐女士昨日致電電台節目投訴：「情況持續好耐，我已經投訴咗好多次，佢哋全部用揚聲器，呢啲係好大嘅噪音，佢哋唔係假日先嘈，而係由星期一至星期日每日都嘈，簡直係疲勞轟炸。搞到我都心情唔好，日日冇間斷地轟炸。」
李小姐亦指：「用揚聲器迫人聽你唱，令人好反感，如果係自娛無需要用揚聲器。荃灣有個地方都有呢種情形，不過冇咁多團體啫！」在公園內晨運十多年的梁太表示，噪音問題存在已久，她支持康文署今次的清場行動，但該署昨日將公園部份地方封鎖，令她與一班晨運客受連累，暫時失去晨運的「地盤」。