李玟（Coco）前晚真空穿上ColletteDinnigan晚裝，風騷拖着未婚夫Bruce出席香港癌症基金會慈善餐舞會，Coco還狂晒獲贊助的四百多萬元鑽飾及名錶，可惜其自備Gucci銀色晚裝手袋，屬前年春夏的過季款式，令她一身時尚華麗未盡完美。
社交圈盛事香港癌症基金會（CancerFund）慈善餐舞會，前晚在君悅舉行，今年以「Paradox」為主題，每張枱底價十萬元，城中名人如何超瓊、田北俊夫婦、鄧永鏘與太太Lucy、趙世曾和郭由美子等盛裝赴會，部份更穿上唐裝、旗袍迎合大會ChinaChic服裝要求。
風騷真空凸點
李玟七時多拖着富貴未婚夫BruceRockowitz到場，一身白色ColletteDinnigan露背晚裝襯Gucci前年的過季舊款晚裝袋，真空凸點的Coco還大騷手上重九卡的鑽石戒指，風騷地說：「條裙係我特登喺紐約買，今日好開心，Omega送咗隻十幾萬嘅錶畀我配襯，adler珠寶又贊助我四百幾萬珠寶。」
拒銀行家追求
Coco晒完珠寶後即大晒幸福，她說：「情人節我哋喺香港過，Bruce幫我安排咗一個好特別嘅dinner，又送咗朱古力。」問何時結婚時，她即說：「應該暫時唔會諗住，我屬兔今年好，希望係事業啦，結婚𠵱家未係時候。」
至於年過四十歲的何超瓊，身穿MatthewWilliamson低胸晚裝仍非常性感美麗，她堅稱沒有追求者，她說：「情人節我同好多銀行家喺四季酒店食飯，全部都係借錢畀我嘅男人，有咁好quality嘅男士陪，好有價值，我一啲都唔寂寞。」問當中可有人有意追求時，她即笑着說：「唔好喇，追我咪即係叫我還錢！」
採訪：DebbieLum 攝影：RickyChan
