玖龍造紙正式招股，但之前已有本地大孖沙入股做策略性股果，聲勢浩大。
按以往經驗，凡有新股登場時，同類股好多時都會被質。但今次同類股理文造紙（2314）就有機會免疫，可以照升如儀。
經紀黃話，早在玖龍招股之前，理文造紙已在去年12月發行可換股債券，集資10億元，用作增加新生產線，成件事擺明理文造紙早有準備，搶在玖龍招股之前集資擴大產能，來應付玖龍嘅迎戰。
07年預計PE相若
玖龍以十零倍PE招股，表面上比理文造紙的21.6倍吸引，但若計及隻股擴產成功嘅盈利增長，兩者07年的預計PE，其實相差無幾。
理文造紙上周五升7.39％，收9.45元，成交股數300萬股，金額2791萬元。
由於玖龍來勢洶洶，所以無理由唔去抽番手，而經紀黃的結論，竟然係兩隻都一齊買。
慕容小初