女子組合Krusty的活己嵐本月五日二十歲生日，她前晚與拍檔張詠恩（Jan）及逾三十名歌迷在荃灣一間麥當勞舉行補祝生日會，席間阿嵐不停收fans禮物及玩遊戲，不亦樂乎。
望工作量增加
阿嵐表示以往有同學也在麥當勞舉行生日會，她在生日會上不停狂吃，阿嵐說：「我一次過食五包薯條，發夢都食住薯條，連屙屎都有薯條味。」
之前有指薯條對身體健康有影響，阿嵐則說：「話美國嗰啲先有事咋，後來都話冇嘢啦。」她又謂生日願望是工作量增加，阿嵐說：「希望多啲嘢做，呢兩個月好靜，第二年已經唔係新人，要upgrade自己呀。」而Jan則送了一套香艷內衣給拍檔做生日禮物，她說：「我清楚了解佢，連乜size我都知，我都睇過晒。」
採訪、攝影：王連連