昨日寫過新聞行政人員協會春茗的上集，今日續完。話說晚宴有一個遊戲，就係每枱派代表問一問題，可指定人作答。主家席代表係候任新聞處處長邱騰華。佢企上台，指定八方答：呢張相見報時，會用乜嘢標題？
事緣八方在席間搵咗邱候任同兩位前輩邱李賜恩處長（圖左）、蔡瑩璧處長（圖右）一齊影張相留念，冇諗過會被人考牌。自問唔識起標題，惟有使出高官常用一招──有問題就卸畀人，徵求場內眾多新聞界前輩幫手。有線趙應春率先拔刀相助：「三代同堂啦！」好，就呢四個字；三位處長，收唔收貨？
傳真︰2623-9278
電郵︰[email protected]