香港明星足球隊日前去咗菲律賓嘅拉克度假城踢慈善賽，咁啱嗰邊又遇着山泥傾瀉，傷亡幾慘重，所以曾志偉（圖）同譚詠麟就決定用個會名義捐咗二百萬披索（約三十萬港元）嚟賑災。噚晚明星足球隊返晒香港，仲見到以演紀曉嵐聞名嘅內地演員張國立，原來佢偶然會出埠打波。另外錢嘉樂同女友李珊珊喺機場刻意分開行出嚟，唔知搞邊科！