湯盈盈大前晚在Gucci派對上，受到三猛男重重包圍，派對狂歡後，還接載其中一名男士離開，昨日悉心打扮的湯盈盈出席沙田一個活動時，被發現頸上有一塊紅印，問到吸引不少狂蜂浪蝶，可怕男友呷醋？湯盈盈笑着回應說：「每個女仔都應該咁，唔可以100%咁乖。」
憑劇集《阿旺新傳》阿好一角而人氣急升的湯盈盈，受人注目之餘，亦吸引到不少狂蜂浪蝶，大前晚在Gucci派對狂歡的湯盈盈，受到三猛男重重包圍，離開派對後還接載一名男士往香閨方向進發，但不知是否得悉有傳媒追訪，該名男子忽然中途下車。
聲稱皮膚敏感
昨日湯盈盈應邀出席在沙田新城市廣場的「資生堂一瞬一生成就美麗慈善化粧馬拉松」活動，穿上低胸連身裙的湯盈盈，心情靚靚，笑容滿面，轉身拍照時，被發現在白滑的頸背上，有一塊很明顯的紅印，一度被人懷疑是「咖喱雞」。
事後湯盈盈解釋這並不是「咖喱雞」，而是她日前出席活動時，帶上一條頸鏈導致皮膚敏感，再加上她曾經在頸上用熱枕紓緩疲勞，令紅印更加明顯。
對於大前晚在Gucci派對上，被本報拍得被三猛男重重包圍，湯盈盈滿心歡喜地說：「我有睇報道，好搞笑，有呢啲報道都好，好似我好多人追咁，三個男人我都識，一個係我助手，一個係我髮型師，另一個係王賢誌。」湯盈盈被問到男友的反應，她說：「我唔知，唔驚佢會嬲，三個朋友佢都識，不過咁樣寫，等佢緊張啲都好，每個女仔都應該咁，唔可以100%咁乖。」
可能錯過機會
今年桃花勁旺的湯盈盈表示不知道身邊有否追求者，她說：「我真係未必會覺，好似楊天命師傅話我今年好旺桃花，身邊有幾個追求者，但係因為我太耐先覺，又諗得太耐，機會走咗都唔知。」
採訪、攝影：楊潔雯
