上星期六，宣道會北角堂熱鬧非常，原來係稅務局局長劉麥懿明「嫁女」，唔怪得成個稅務局上上下下都到齊。
新娘子謝煥屏係稅局總評稅主任，因為參加清華大學國情班認識了現任運輸署副署長劉家強，兩人經過幾年時間交往，終於今年拉埋天窗。劉強前幾年喪偶，三個孩子都學業有成，一個係律師，另外兩個分別喺中大同港大讀醫科。能夠搵到伴侶攜手走埋下半生，朋友都為兩人高興。
劉麥懿明同八方講，玉成好事自己功勞最大，因為如果唔係佢推薦Grace謝去清華，兩人就唔會遇上，千里姻緣一線牽，真要多謝呢位紅娘局長，當然重有公務員事務局。
唔單止稅務局高層包括副局長譚權壯齊來見證，警務處處長李明逵都有到場觀禮，原來一哥同劉強是牛津大學同學，另外運輸署署長黃志光，工務局、路政署、水務署及工程師職系同事以至港大同學以及中學同學，都去恭賀一對璧人。
傳真︰2623-9278
電郵︰[email protected]