本田汽車最新研製嘅第二代跑步機械人「Asimo」，噚日第一次走出本田嘅大本營，喺東京嘅科學博物館同市民見面（圖：路透社），呢個每小時可跑六公里嘅機械人，吸引咗大批市民拍手歡迎，同埋影相留念。佢擁有人工智能，唔單止可以好似人咁行，重有等同三歲小朋友嘅智慧，估計今年四月就會開始擔任辦公室接待員嘅工作。