袁彩雲、傅明憲、黃貫中（Paul）、姚樂怡及鄧健泓等人昨日各自帶同狗隻，到沙田出席「寵物嘉年華2006」。袁彩雲日前接受雜誌訪問時，指跟合和集團主席兼全國政協胡應湘之子胡文新兩度分手，昨日問及這事時袁彩雲表示不欲再講太多，因為事件已是一個結局，問彩雲覺不覺得分手可惜，她便即時指着旁邊的狗仔說：「我都有隻仔呀！」
睇狗辨主人
傅明憲則透露今年會報讀獸醫助理課程，她說：「自己養狗經驗豐富，但係唔夠專業，所以今年我會讀一個獸醫助理課程，到時會去獸醫診所實習。」
另外，阿Paul表示要家務助理的協助才可照顧家中七頭愛犬，他還笑說：「睇屋企啲狗嘅身形就可以知邊啲狗係我，邊啲狗係屬於朱茵嘅，佢養嗰啲通常都係迷你啲嘅。」
原來阿Paul對於一些沒責任感的狗主感到氣結，他說：「好多人買隻狗返去就一路抱一路叫佢做BB，到唔要佢時就有一百個理由，如果我啲朋友係咁我會好嬲佢。」
採訪、攝影：李珮洳
