我肥平近排每星期總有三四晚Stay喺尖東，唔係做嘢就係睇Concert，繼「源記」後我今次推介大家一定要試吓文華中心地下嘅「靚靚車仔麵」，唔好誤會我介紹佢哋嘅車仔麵，而係外賣嘅煎釀三寶。$5有5件超級抵食不特止，連阿姐們都好服務過人，唔單止樂意幫客人翻熱三寶，買$10重會多送幾件，最正係靚仔前靚仔後咁讚我肥平，搞到我都飄飄然。靚靚車仔麵（23691029）地址：尖沙嘴新文華中心22號地下
肥平：乜都放入口，最叻搵平嘢食，搞到肚腩大過佢個頭。
