李逸朗（阿Don）、蔣雅文及傅珮嘉昨日出席黃大仙區職安健嘉年華活動，阿Don透露早前在公開活動上相約劉德華比賽保齡球，如果華仔輸波，要輸一部保齡球車仔給他，而日前二人打球時，黃日華亦在場。
在旁偷師
阿Don說：「華仔話唔使比賽，佢送部車畀我，部車仔好貴㗎，如果真係比賽，我實輸，華仔技術好好㗎，係高手。」阿Don表示當日看見華仔教黃日華打球時，不忘在旁偷師，又說：「華仔教人嗰陣好認真，有啲惡，我都係偷師算，遲啲先學啦。我只不過係新手，打咗一年咋。」阿Don又自稱早前參加低級組公開賽，連賽三場都排第一。
此外，傅珮嘉表示自己已退居幕後，全力寫專欄及作曲，她說：「比起做幕前嗰陣賺錢多咗同穩定啲，多時間拍拖同唔使咁避忌。我老呀，都二十到掹喇，𠵱家咁多十幾歲新人，我唔夠人鬥。」
採訪、攝影：蔡如玉