男潮新貴：<br>今季必搶BlingBling華麗搖滾骷髏頭

男潮新貴：
今季必搶BlingBling華麗搖滾骷髏頭

男潮華麗風今季攀上高峯，街頭方面有Bape的水鑽Logo紫迷彩，HighEnd品牌更是精采，由日牌領軍，今季風頭躉首推連買衫精Wyman都話貴的日本「新貴」MastermindJAPAN，以水鑽閃石堆砌街頭搖滾的骷髏頭圖案，成功搶灘，重要愈貴愈賣得；其他如日牌Number（N）ine、美國的Libertine今季亦煲骷髏骨，衫價亦一向高企，但鋒頭無可避免給比下去，時裝的世界，就是這樣的貪新忘舊。

記者：吳小明　攝影：陳智良
Model：JayLaw@StarzPeople
MakeUp&Hair：AngelWong

■各款洗水牛一律$9,900，畀一萬找一百，厲害。

■藍色洗水牛拼以紅色車線，講真洗水工夫以至Cutting都可以叫靚，但咁嘅價……

■呢件格仔恤衫叫低調唔太招搖作品，但都繡滿金線，又全件披口玩糜爛Feel，索價七千二，貴喺邊？講唔出。

MastermindJAPAN愈貴愈賣得

今季首度登陸的MastermindJAPAN，賴以成名的慣技都係嗰瓣：同其他大牌玩Crossover。雖然設計師本間正章堅持人手做衫、衣服細節複雜細緻才是品牌「值租」的地方，但品牌響朵依然得力於各樣限量W-Name作品，如跟Goyard出的皮具、BE@BRICKFigure、Beams的RamonesTee、藤原浩Fragment的聯名作等等，全部都是彰顯江湖地位的作品；最重要的是它賣得貴，不是普通貴，而是超貴，比起出名貴的DIORHOMME甚或同級的Number（N）ine都要貴，愈貴卻愈賣得，唔信？首批抵埗的款式，最貴的鑲水鑽骷髏頭西裝褸、絲絨Jacket等已經搶清光，剩番恤衫牛仔褲皮帶等等相對「廉價」項目，連代理Joyce都始料不及，有無下一輪貨？Mastermind出名在貨少，出完就算，博你哋上網一味Bid，愈罕愈有價，呢招高。

捧場名單Eason
■事先張揚，E神嫂已經為Eason入咗貨，幾時着、着邊件，不日揭盅，唔使心急。

■白色呢條繡金線，最有貴氣，無論袋花壓紋Logo及披口處理都最靚，同樣價錢呢條叫抵啲，不過白色牛仔褲最蝦人着。

■類似這款水鑽西裝褸，Joyce引入的一款賣$16,900，已經斷咗，連真身都無得睇。

■白色刺繡logocap帽$1,200

■黑金刺繡腰帶各$2,500

■黑白閃石窩釘皮帶各$3,900

Collabo聯名作品

Goyard
■最出名首推跟Goyard合作推出行李箱，印上成名骷髏頭，去年於東京Loveless推出，當然一出即斷。

BE@BRICK
■04年推出Mastermind的BE@BRICK，有全金、黑金及全黑三款。

Beams
■跟Beams於04年尾推出一系列向PunkRock經典樂隊Ramones致敬的T恤。

FujiRockFestival
■今年乃全日本最出名搖滾音樂節FujiRock十周年，紀念版也找來Mastermind合作。

Number（N）ine骷髏搖滾

同樣吊高嚟賣嘅Number（N）ine今季向八十年代美式HeavyMetal班霸GunsN'Roses取經，完全100%複製其主音AxlRose造型的確離譜，一頭長金毛綁頭巾着單車褲，相當惡頂，好在還有小量賣得的骷髏頭圖案項目壓陣，難怪今季風頭被搶。

■骷髏頭玫瑰花圖案Tee$1,600

■全閃片蛇皮紋外套，籮記一樣，好得人驚。$12,900

■黑色閃片背心姣得可以接受。$6,300

捧場名單

余文樂
■向來愛Number（N）ine，今季咁80，唔知佢頂得順無？

Wyman
■雖然係咁炳今季9號仔，不過一件半件濕星項目，斷估都會捧吓場。

Libertine唔玩印花玩黑閃

玩舊衫加工的Libertine今季轉玩水鑽閃石，同樣揀中夠Pop的骷髏骨，再加多樣同等鬼魅的蜘蛛網，價位亦有番咁上下揦脷，手工睇落亦唔差，不過今季明顯形勢比人弱，無計。

■水鑽閃石骷髏頭西裝$29,000、蜘蛛網閃石剪短西褲$9,500

■西裝正面平平無奇，背後的水鑽閃石骷髏頭以黑白閃石做成立體陰影效果，老實講手工絕對不弱。

■剪短西褲前後都有蜘蛛網閃石圖案。

捧場名單：楊千嬅
■千嬅剛剛着完秋冬季印花喱士裙，雖然一着就爛，但亦講明來季會繼續捧場。

Shop：Joyce（28101120）中環新世界大廈地下