經過兩個幾月嘅努力，大狀黨終於儲夠一百個黨員，不過呢百人中，暫時未見陳太、陸恭蕙、同法律系教授張達明呢三個名，至於有乜猛人，梁家傑佢哋就好口密，點都唔肯透露其他細節，例如有冇食過檸檬。
另一邊嘅工聯會大狀鄺志堅重慘，佢前日話要組新黨，不單止一個黨員都收唔到，重俾立法會嘅同僚大潑冷水兼勁寸。
鄺大狀話，噚日返到立法會，唔少同僚就潤佢「咁識博頭條」，就連黨友王國興態度都麻麻地，呢鋪真係好屈辱。
工聯會阿姐嫻姐話，呢啲意見工會內部成日有討論，乜嘢意見都有，當然包括組黨啦！不過，嫻姐好似冇講係咪盡全力協助鄺大狀另起爐灶，淨係話呢啲嘢內部都有排傾。
傳真︰2623-9278
電郵︰[email protected]