早前劉嘉玲曾公開表示希望在情人節收鑽石和花，但情人節當晚卻被拍到與「高大版偉仔」蒲吧的照片。前晚劉嘉玲右手無名指戴了一枚梨形鑽戒，她堅拒透露贈鑽戒者是何人，但表示偉仔於情人節當晚送上玫瑰，兩人還共晉燭光晚餐。
劉嘉玲前晚以嘉賓身份，到中環出席品牌Valentino的○六春夏時裝表演，到場嘉賓有王敏德馬詩慧夫婦、黃家諾及黃錦燊夫婦等。劉嘉玲穿上低胸碎花Valentino長裙亮相，性感誘人，右手無名指上還戴上一枚梨形鑽戒，閃耀奪目。
未知偉仔反應
日前嘉玲被本報拍下在情人節當晚撇下男友、偕「高大版梁朝偉」蒲吧，前晚嘉玲表示為免影響對方的生活，不作回應。
問嘉玲為何情人節不陪男友梁朝偉？她說：「你點知我唔係同佢過？我同佢食完飯，但之後佢就冇去。唔係情人節先要浪漫，我哋有應節去食飯，咁啱有朋友喺外地返嚟，偉仔又唔係咁鍾意夜生活，所以返屋企先。」
至於該男士身份，嘉玲說：「熟識我嘅朋友都知佢係邊個。」再問到偉仔看過報道後反應如何，她就說：「我未睇到佢嘅反應喎。」
「下年話你知」
談到早前嘉玲出席公開活動時，曾透露希望於情人節收花和鑽石。問嘉玲這枚梨形鑽戒是否情人節禮物，她只笑而不答；再問她戒指是誰人所贈，嘉玲就說：「你估吓，如果下年你重記得，你再嚟問我，我至話你知。」
嘉玲又透露情人節當晚與偉仔共晉燭光晚餐，他還送上玫瑰，浪漫非常。嘉玲笑笑口說：「偉仔年年都有畀驚喜我。」
採訪：張俊銘
攝影：林德雄
