中華旅行社鮑正鋼噚日搞新春酒會，請咗前綫召集人劉慧卿、同民主黨主席李永達上台主禮，卿姐有得上台致辭、達仔負責祝酒，反而負責搞港台關係、已經冇乜事做嘅政制事務局竟然連一個代表都唔派嚟，認真失職。
卿姐喺台上話，希望遲啲可以有機會返大陸同台灣啦！佢一啲都唔驚左仔又話佢勾結台灣勢力，重話：「我等陣都去新巴嘅酒會啦！唔通話我同新巴勾結咩？」
光華新聞文化中心主任路平最近就寫咗篇文，講老夫少妻令人羨慕，點知就俾楊振寧孖叉，重要佢道歉。達仔就問候路平，重力撐佢有言論自由，路平同八方講佢好冤枉，讀佢文章嘅人太粗疏，誤會晒佢嘅意思。
傳真︰2623-9278
電郵︰[email protected]