臨盆在即卻遇上丈夫失業，對剛為人母的阿詩來說，生活壓力變得更沉重，不過，她深信絕境中總會有出路。阿詩日前簽收蘋果基金撥出五千元善款，感動不已。
有了這筆應急錢，阿詩雀躍地說：「啲錢會用嚟買尿片、奶粉，同埋留番嚟畀BB萬一要睇醫生時用，起碼有個後備錢。」
盼盡快找到工作
最令阿詩夫婦感動的是得蘋果基金幫忙，「我老公同我都估唔到真係有人咁熱心會幫我哋，我哋真係好感激。」
抱着剛三周大的兒子，阿詩笑着說：「BB比之前大隻咗，頭髮多咗，飲多咗奶。又成日做埋啲古靈精怪動作，好似瞓覺咁，無端端會大叫一下，引人注意。」阿詩一副有子萬事足的模樣，似乎暫時忘卻了目前一家的經濟困局。
對於丈夫已失業兩個月，阿詩很體諒，「佢做咗人老竇、有頭家，都好心急同好積極咁搵工。佢每日都睇報紙，同見兩、三份工，主要係做運輸。不過搵咗兩、三個禮拜，份份工都係叫佢等消息。」
她不敢給予丈夫太大壓力，只盼望丈夫短期內可盡快找到工作，令一家生活安穩，而她希望稍後能出外找回美容工作，與丈夫一起共同分擔家計。
捐款編號：C1930
蘋果投訴熱線：29290000
社會服務熱線：29908288
傳真：23702192
電郵：[email protected]