一種集拉丁、HipHop於一身的「RockstarWorkout」，最近成功在香港Gym場搶灘，兩位娛樂圈舞后廖碧兒及鄭融試跳後，均對新舞讚不絕口；指新舞燒脂力強，幾分鐘已跳得大汗淋漓，而且Rockstar具個人風格，女仔跳會好好睇。文：李勇明 圖：黃冠華
由國際知名排舞師JaimeKing編排及設計的RockstarWorkout，最近由Nike及CaliforniaFitness聯合引進香港。據JamieKing表示，RockstarWorkout是融合Hip-Hop、Jazz、拉丁舞等元素，練習這全新舞步時隨了令舞者帶來很大的樂趣外，整套舞步能顯現出個人風格，亦是RockstarWorkout特別之處。
廖碧兒：舞步易學
大會特別並於上周邀得廖碧兒及鄭融擔任嘉賓，親身感受RockstarWorkout帶來的澎湃活力和動感。
自四歲開始接觸芭蕾舞的廖碧兒，在強勁音樂配襯下試跳一段以HipHop為主題的舞步，她說：「呢隻舞步嘅動作雖然唔係好大，但我跳咗短短幾分鐘已經全身濕晒，燃燒卡路里嘅能力應該幾厲害。」
對於初次接觸新舞，廖碧兒認為很容易掌握：「舞步其實唔算難，只要聽到音樂，自然就會手舞足蹈，如果同一大班朋友一齊跳，簡直係一種享受。」
每個音樂特輯均有精湛舞技演出的鄭融，試跳以拉丁舞為主的RockstarWorkoutSol系列有以下評價：「呢種舞有啲拉丁及爵士舞嘅基本步，跳起來好優美、好女性化，我覺得好適合女仔練習。」
鄭融：好有滿足感
本身能歌善舞的鄭融對初學者建議：「初初學跳時，最緊要係開心同埋投入，唔好同人哋比較，最重要當跳舞係一種運動。而每次跳完後雖然會覺得辛苦，肌肉痠痛，但嗰種滿足感真係好難形容。」
