呢排密密籌款嘅教育學院，噚日搞新春茶敍同記者大玩拍賣遊戲，校長莫禮時重捐出好有紀念價值、有成廿幾年歷史嘅兩隻杯，係校長參加划艇及鐵人賽時攞到嘅，結果以一百四十蚊賣咗畀記者。校長重講笑，呢兩隻杯曾經被佢太太嫌舊，丟咗喺垃圾桶，但校長喺垃圾堆中救番佢哋，先可以重見天日。
要籌款當然唔能夠靠校長賣杯，副校長陸鴻基話，最近獲聖公會大主教鄺廣傑捐出二百萬，用嚟支持教院嘅通識科宗教教育心靈嘅課程，鄺主教好大方，話可以畀佢哋研究任何宗教。教院話，呢二百萬連同政府配對到嘅二百萬，都有四百萬幫學院發展！
至於明年任期屆滿嘅以上兩位正、副校長會唔會留任？佢哋笑說未諗太長遠嘅事，又話呢啲嘢歌仔都有得唱：「知否世事常變，變幻原是永恒。」真係頂佢唔順。
傳真︰2623-9278
電郵︰[email protected]