國家發改委同埋統計局噚日公布，上個月全國七十個城市嘅房價，比舊年同月升咗百分之五點五，當中大部份城市嘅房價微升，但上海就跌咗百分之零點四。新樓嘅樓價升幅就高啲，全國升百分之六點九，最多港人置業嘅深圳升咗一成，北京升百分之八點四，大連同埋呼和浩特，就大升一成九同一成半；但上海嘅新樓都係一樣跌，跌百分之三點一。