蘇民峰即將主持有線風水節目，日前更率先替有線主播區永權睇家宅風水。原本區永權有意細屋搬大屋，但經蘇民峰指點謂荃灣區將行運至二○二三年，加上該住所大旺他，即時打消搬屋念頭。
堪輿學家蘇民峰將於明日起夥拍吳文忻為有線電視娛樂台主持十三輯風水節目《「峰」生水起精讀班》，他在節目中會親自教授風水學，日前更率先為有線主播區永權睇家宅風水。
丁財兩旺
區永權現居於荃灣綠楊新村，但有感面積不夠用，有意細屋搬大屋，並打算將寓所轉租給同事黃翠如，居於馬鞍山的黃翠如覺得返工不方便，故有意搬入荃灣，為了看看居所是否適合，二人日前邀請蘇民峰睇風水。
蘇民峰甫到達，即大讚荃灣區將會行運至二○二三年，區永權的寓所更是旺丁又旺財，蘇民峰說：「如果喺○四年前搬入嚟就更加旺，況且間屋嘅風水有九十分以上，大門係桃花位，財位就喺睡房，日日都瞓住財位，基本上間屋係冇衰嘢，只要放杯水喺睡房就可以化咗手腳損傷。我會勸佢唔好搬住，起碼住喺度可以行多啲運，等聚多啲財先搬啦。」
慘缺桃花
區永權聽罷即時心大心細，最後決定放棄搬屋，而黃翠如得悉遷入這單位對自己無甚幫助，故最後亦打消搬入荃灣的念頭。
黃翠如說：「蘇師傅建議我搵沙田區，話就算我租呢間屋都唔旺我。不過最慘係蘇師傅話我好少桃花，桃花運亦都唔重，真正姻緣要到二○一○年後先出現。」
採訪：駱華齡
攝影：葉君海
