前首席大法官楊鐵樑成日運動，飲食又均衡，體質都唔會差得去邊。點知楊官前日喺銅鑼灣聖保祿教堂出席一項追思禮時，由於喺彌撒中要又跪又企，加上都有幾多人出席，所以身體有啲不適，重見頭暈咁㖭。
由於在場有好多醫生，梗係即時幫佢檢查，但大家都唔放心，最終都係決定要送佢去隔籬聖保祿醫院做全身檢查。好彩，經過一輪檢驗後，醫生都覺得楊官身體好fit，睇怕都係焗親都未定，所以畀佢出院返屋企休息。
楊太噚日同八方講，楊官雖然就嚟八十歲，身體重好健康㗎，但由於啱啱喺醫院出嚟，噚日都要留響屋企休息，佢重特別透過八方，向各方好友講句「多謝關心」㖭。
傳真︰2623-9278
電郵︰[email protected]