廖碧兒前晚穿上吊帶背心在無綫節目《勁歌金曲》中大跳hiphop勁舞，盡騷35C驕人身段，令現場波濤「胸」湧，連容祖兒見到亦不禁大叫說：「好勁呀！」
廖碧兒主唱的無綫劇集《人間蒸發》主題曲《實情》，收錄在雜錦碟《女兒紅》中，前晚她為宣傳該碟到電視城錄影《勁歌金曲》，以吊帶裝亮相，還大跳分半鐘hiphop勁舞，整個錄影廠頓時波濤洶湧，容祖兒看見亦不禁大叫：「好勁呀，好多嘢睇，好勁呀。」
情人節隊悶酒
事後廖碧兒說：「我第一次跳呢種舞，同之前跳開嘅芭蕾同踢躂舞好唔同，不過好少時間練，我已經盡咗全力。」問廖碧兒怎樣過情人節，她謂整日都在工作，晚上則到男性朋友家開派對。問其緋聞男友陳豪有否送禮給她？廖碧兒說：「冇，其實日日都係咁，反而情人節呢日要唞吓，其餘三百六十四日都慶祝，我同兩隻狗過囉，好sweet㗎。」
而容祖兒則透露隊酒過情人節，她說：「情人節我喺屋企好悶呀，飲悶酒隊醉自己，然後咆哮，差啲騷擾到鄰居呀。」她又謂現時沒有追求者，她說：「我又唔出去滾，擇偶條件係識煮幾味。」有指英皇只有她這位大師姐沒拍拖，祖兒無奈地說：「長江後浪推前浪，佢哋開心咪得囉，我要支持大局。」
旅行喜逢艷遇
祖兒又自爆早前在歐洲旅行乘火車時有艷遇，她說：「有個二十幾歲嘅黑鬼，唔係，黑人先啱，佢對眼生瘡咁單眼，落車時對住我發出wow一聲。不過佢唔靚仔，我呢啲貨色可能喺佢眼中係小仙子。」
採訪：駱華齡 攝影：葉君海
