Eason趁新正頭開九場演唱會，長長久久甚好意頭，點知俾人話E神個形象又烏鴉上頭又玩撞車，咁多死人意象極度唔吉利咁話；負責今勻Eason演唱會全盤形象設計嘅E神嫂徐濠縈，當然唔係咁諗，阿徐話舞台上一切以創意創新行先，玩得咁激都係想叫大家耳目一新，非但唔怕唔吉利，出來嘅效果好滿意之餘，重話今勻是Eason歌衫歷年來最靚一次㖭。
記者：吳小明
攝影：周旭文
部份Eason相片由Jay提供
意念靠做衫配合
人生當然有喜有悲，是以演唱會第二部份，花俏西裝配以滿天繁花的景象就是代表喜悅豐收的時刻，而漫長的一生起跌在所難免，因此接住阿徐又安排一場撞車場面來表達種種挫折，E神嫂話，「Idea我識諗，但係車衫我唔識㗎嘛，好在搵到Kenneth（包辦多位紅人歌衫設計，如容祖兒）同埋阿Jay（著名帽子設計師、今勻負責Eason頭飾）幫手，出來效果大家有眼睇，我自己就好鍾意。」
靚女街坊眾口一辭讚靚
必CheckEason今季入貨心水
今次演唱會睇唔到Eason嘅新裝，當然要捉住阿徐問今季佢幫Eason入咗乜嘢心水牌子，阿徐話今季新鮮抵港的Mastermind亦是入貨名單，雖然貴到有點不可思議，但點都叫做有Noise嘅新牌子，可以一試；至於一向捧開場嘅UNDERCOVER今季則不過不失，女裝靚啲，所以佢會買畀自己着，男裝就唔會嘞。
Shoplist：
Joyce（28101120）中環新世界大廈地下
Twist（29702231）銅鑼灣世貿中心地下G001-002號舖