李嘉欣早年分別與黎明和男模特兒陳平治（Perry）拍拖，沒想到樂基兒竟兩次執其舊鞋，先與Perry同居兩年，現時則與黎明愛得天昏地暗。前晚這對襟姊妹花在ChristianDior活動上狹路相逢，嘉欣對與她品味一致的樂基兒讚不絕口，但完騷即獨自落寞回家，反觀樂基兒則春風滿面，急急腳趕返黎明豪宅會愛郎。
李嘉欣去年與有婦之夫龐維仁分手後，自詡單身的她前晚悉心打扮，以特別嘉賓身份到中環四季酒店欣賞國際品牌ChristianDior時裝騷，其間她明顯心情大好，既與Dior亞太區區域市場拓展總監張旨燊蹺手而行，又與品牌外籍高層同坐，言談甚歡，絲毫未有被同場擔任模特兒行貓步的黎明新歡樂基兒搶風頭。
有讚冇彈
「樣又sweet又舒服」
今次乃樂基兒與黎明頻頻高調拍拖晒恩愛後，首度與男友的舊愛李嘉欣相逢，兩位黎明新歡舊愛共冶一爐，頓時成為全場焦點。事實上，嘉欣與樂基兒選男友的口味可謂似到十足十，嘉欣兩個過氣男友黎明和陳平治，分手後都投入樂基兒懷抱。
嘉欣與樂基兒如此合拍，當然惺惺相惜，前晚嘉欣提到對方與黎明愛得高調一事時，再次公開大讚樂基兒說：「佢表現好好，樣又sweet又舒服。」黎基戀傳出後二人即成傳媒偷拍對象，問嘉欣會否覺得他們很慘？她說：「唔係慘，係開心事就真，雖然冇乜自由係預咗，但係我好戥佢哋開心，我哋係需要睇呢啲開心新聞，唔係鍾意睇啲唔開心嘅事，我又唔覺佢哋特別高調吖，我當然祝福佢哋。」
問嘉欣若拍拖會否效法黎基戀般公開？她說：「如果唔想公開都要被迫公開啦，唔係人人鍾意公開自己私生活嘅，學黎生話齋，最慘就係段感情未諗定已經被人亂寫，搞到連朋友都冇得做就最慘。」
寂寞佳節
「冇男友冇追求者」
隨後嘉欣又自歎剛過去的情人節沒節目，她說：「我冇男友、冇追求者，嗰日上半日要做嘢，下半日就喺屋企坐，不過有朋友知我冇情人，就送咗花同飾物畀我。我都冇計過係第幾年一人過情人節啦，不過就算出街又點吖？咪又係俾人影。」
前晚時裝表演結束後，嘉欣隨即離場，在司機接載下返抵其渣甸山寓所，而她離開後相隔約數分鐘，樂基兒亦駕駛MiniCooper房車急返黎明的樂景園住所，趕會愛郎的她還忍不住露出風騷笑臉，大抵在情場上，她總算比嘉欣勝得漂亮吧！
採訪：顏英儀
攝影：陳偉權、娛樂突發組
