所謂女為悅己者容，咪咪一向係男人評頭品足嘅地方，細胸嘅為豐胸煩惱，大胸嘅為要繼續保持堅挺而更煩，真係大又煩細又煩！據物理治療師解釋，原來日常生活如追巴士打麻雀等都好易會令胸部變形你又知唔知？睇嚟做女人又多咗種煩惱喇！
記者：許維雅
攝影：陳偉強
Model：Nicole
鳴謝資料提供：形康營養（纖體）中心尹耀林營養師及物理治療師黃燦鴻
受傷難復元
唔只筋骨，原來連咪咪（乳房）都會被拉傷。據物理治療師黃燦鴻指出，乳房彈性纖維組織（又稱庫柏氏韌帶）受傷就等於橡筋拉鬆後難以復元，所以運動時嘅震盪好易令乳房纖維受傷，長年累月會引致更易下垂或鬆弛。唔想咪咪好似木瓜咁，最簡單嘅就係唔郁咁多，又或搵個承托力好嘅胸圍。
X＋Y減震盪
最近Wacoal就推出咗一款全新設計嘅運動Bra─SportSupportBra，佢用「X+Y」形承托設計，令咪咪唔易被壓扁；另外，由於拉力非在胸部兩側，做運動時更可提高肺活量，提升表現。加上剪裁完全蓋住胸部，減少咪咪震盪機會，可保護彈性纖維組織。想知呢個SportSupportBra有幾神奇，一於來個大測試！
查詢：28113202
實力大測試
保護指數以5分為最高
考驗一 跳繩做運動
保護指數：4
考驗二 追巴士
保護指數：2.5
下次追巴士時，記住攞file、袋等物件㩒住咪咪喇！
考驗三 落Disco跳勁舞
保護指數：4.5
考驗四 打麻雀
保護指數：3
下次打麻雀時就要用雙手夾住咪咪，避免大力打牌喇！
救咪咪三法
黃豆增加雌激素
註冊營養師尹耀林教路，要令咪咪變得健美，可以增加體內嘅雌性激素。食物中嘅維他命B如肉和牛奶，及維他命E如果仁等，就可增加雌性激素。不過最有用嘅食物係黃豆，因佢嘅二黃酮就最能直接增加雌性激素。（任何食物都不可以過份超標進食）
健胸運動幫助小
好多人以為健身可鍛煉胸部肌肉，其實這些動作只可令咪咪底部嘅肌肉結實，若咪咪嘅彈性纖維鬆弛咗一樣無法復元。不過胸肌始終係咪咪嘅基礎，鍛煉會有益，但不能把下垂嘅咪咪回復原狀。
全杯大平反
全杯形一向給人過時感覺，但其實全杯形嘅bra最能減低咪咪晃動機會。黛安芬在全新春季系列推出嘅FormandBeautyBra，當中有唔少全杯形款式，設計和顏色上都跟以前改變不少。
查詢：27637668
