大肚王菲身在北京安胎，靜候小生命喺五月來臨，有傳佢肚入面係個仔，但噚日有內地網話王菲計劃產後復出，重親自寫咗五首歌曲，其中一首係由佢同老公李亞鵬聯手寫畀「小鵬鵬」嘅，但王菲經理人陳家瑛同所屬嘅新力唱片公司噚日都否認王菲復出傳聞。噚日亦有內地消息話「鵬菲」喺蘇州投資開三層高嘅酒吧，每層三千幾呎，重話投資成億，使唔使咁誇張？