名模周汶錡前晚穿上紅色低胸裝出席新店剪綵，多位老外先後向周汶錡大獻殷勤，她還與一名老外臉貼臉打招呼，甚為親暱，其間雙方言談甚歡，顯得非常受落。
周汶錡、甄子丹和何韻詩等前晚到中環，出席意大利首飾品牌Pianegonda旗艦店開幕，三人獲邀擔任剪綵嘉賓。
現場眾嘉賓中以周汶錡最為搶鏡，穿上BottegaVeneta紅色低胸晚裝的她酥胸半露，異常性感，吸引店中多位老外獻殷勤，除了細心為她整理耳環外，當中一位三十多歲的代理人與她言談甚歡，甚至臉貼臉打招呼，周汶錡亦毫不抗拒，非常受落。她說：「我對今晚嘅打扮都好驚，條裙一跌落嚟就乜都冇，我做足安全措施，人哋新舖開張，着紅色好意頭。」
與男士睇樓被跟
問周汶錡日前情人節怎樣度過？她說：「我嗰日同朋友去睇樓，當中有男有女，其中有一名男士車我返屋企，我哋就俾狗仔隊跟車，當佢車咗我返屋企後，狗仔隊仲繼續跟我朋友，之後重問佢係咪我男朋友。狗仔隊對我感情生活好關心，唔通我坐的士，咁的士司機又係我男友咩？」
問周汶錡可有收花？她又說：「我唔鍾意花，呢啲日子買花好貴，不如拎啲錢去做善事，要開心日日都係情人節。我都想有情人，但呢件事發生後，都冇人敢埋我身，傳媒追住我，有人約我都唔敢出街，成件事俾你哋破壞晒。」
何韻詩自送玫瑰
何韻詩則表示情人節沒人約，結果她往超級巿場買魚吃，她說：「我重見到有玫瑰花賣，我睇過冇人偷影，就送咗支畀自己。」何韻詩指不敢亂收放在門口的禮物，因為擔心被記者整蠱。
此外，現場一位穿上金色連身服的女模行騷時突然倒在地上，工作人員即上前察看，據知她是身體不適暈倒，但公關堅稱是表演項目之一。
採訪：魯萍
攝影：林德雄
