因為感情問題而黯然下台嘅林煥光，就快會重出江湖，不過就唔係再做官，反而係擔任馬術公司嘅行政總裁，協助香港協辦奧運馬術。
呢排八方都試過幾次，喺沙田撞到光哥，只見佢揹住個背囊，同太太輕輕鬆鬆咁行街市買餸，咁樣睇嚟，佢同太太都無乜事，睇怕都唔會再被緋聞所累。
不過，要做馬術公司行政總裁，唔係話香港單方面呢個星期六拍板就得，八方聽聞都要過中方嗰關。林煥光工作紀錄一直良好，應該都無乜問題嘅。
而工作能力備受讚賞既林鄭月娥，下個月就會回歸香港大本營。聽聞佢返嚟後首要任務之一，就係要幫手搞好馬術，因為佢會拍住小霍，一齊做馬術公司嘅副主席。有林鄭同煥光幫手，身為主席既肥平，就可以放心好多咯。
傳真︰2623-9278
電郵︰[email protected]