繼前日創維（751）同中盈控股（766）突然急跌，昨日又輪到原本炒到興高采烈的中國水務（855），以及復牌的中民燃氣（681）勁跌。
中國水務昨日最低跌至1.05元，收1.11元，跌20％。中民燃氣跌幅亦相當大，最低見過0.63元，收0.66元，跌13％。經紀陳話，呢兩隻股近期當炒，尤其係中國水務，隻股有唔少基金經理要咗貨，所以炒家一放軟手腳，即刻出現咁嘅場面。
至於中民燃氣，經紀陳就話受人影響，皆因最受歡迎的彩票股華彩控股（8161），雖然頻頻回購，但仍然無法阻止跌勢，影響投資者信心，中民好難唔跟住跌。
另外，中資股雖然炒到雞犬皆升，但一樣有冷門股被發掘，就係廣船國際（317）。經紀黃話，廣船早在1月份，打開口牌話造船主業盈利提高，同埋有壞帳回撥，估計05年全年盈利會大升。2月初即見有基金大手增至5％樓上，跟住廣船股價就一路向上，昨日再升7.14％，收2.25元，接近52周高位。
慕容小初