鍾欣桐（阿嬌）前晚在旺角西洋菜街行人專用區遊街宣傳新戲，吸引近三百市民圍觀，保母車塞在山東街馬路，被行人抱怨，阿嬌也被MK（旺角）女歌迷伸手撫摸，她表示沒有觸及重要部位就算。不過談到情人節助手有花收，自己反而沒着落，她就顯得比較不快。
鍾欣桐、張茜、黃浩然與張致恆（Steven）等一班電影《犀照》演員前晚在旺角百老匯戲院宣傳，眾星一人拿一隻犀牛角造型的蠟燭，在戲院對開的行人專用區巡遊，吸引近三百市民圍觀看熱鬧，適逢當時風大，眾星的蠟燭早被吹熄。
多謝方力申
現場除塞得水洩不通外，因藝人們的保母車要在山東街停車，以致該段路面亦擠塞，引起行人怨聲載道，阿嬌落車後走到戲院，本來二十秒的路程，要十分鐘才完成，場面混亂，有女歌迷趁機摸阿嬌身體，事後她說：「唔緊要啦，最緊要冇摸到重要部位，咁多人好難避免㗎。我覺得今日似遊行示威，我攞住嚿蠟燭又唔怕人博懵，攞蠟燭燒佢囉。」
日前阿嬌前緋聞男友方力申表示會看《犀照》，又讚阿嬌漂亮，她聞言道：「係咩？多謝喎，唔知點講呀，佢唔悶就睇多幾場啦。」
日前情人節，阿嬌表示本來謝霆鋒說請食飯，但後來沒兌現，她又一臉鬱悶地說：「我收到啲朋友好行嘅情人節SMS，我助手都有收花，我就冇。」
Steven爛嘴
此外，Steven昨日爛嘴示人，問他是否被情人啜爛嘴，他說：「我由細到大都伏喺度瞓，流口水流到濕晒，細菌感染啩，大前日已經係咁。」
Steven又表示情人節有致電緋聞女友傅珮嘉，但對方沒接電話，他又謂：「我冇約佢食飯，咁多女仔，唔止佢一個㗎嘛。」
採訪：何永寧 攝影：仇志德
