葉璇噚日接受商台電話訪問時咳咗兩聲，原來佢農曆年返鄉下杭州探親，搞到病咗。主持人林曉峰即時窒佢，問佢係咪因為成日喺窗台夾公仔，所以冷親，葉璇話：「咁耐嘅事都重提，多謝關心。」葉璇前日情人節生日，問佢收到啲乜禮物，契爺鄭裕彤有冇表示？葉璇話：「人哋送乜我唔講，總之收到花、食嘅嘢，同九百九十九支白玫瑰，都幾感動。」