我肥平天生大胃，所以有乜優惠我梗金睛火眼昅到實，「大家樂」最近玩會員制，我第一時間仆到去分店填表格，鬼咩，消費$1有1分，一星期內儲夠100分就可以攤大手板攞$10現金券，變相9折撐硬！咁啱又推出新款式嘅滋味意粉喎，煙三文魚海鮮粟米汁意粉有煙三文魚、龍脷同墨魚仔，意粉又幾彈牙，一於密食當三番，早午晚3餐都去醫肚，做個知慳識儉嘅肥仔！
註：全線大家樂快餐供應，登記成為會員（入會費$10）即送$20優惠券，優惠期間用同一張已登記之八達通，每次消費滿$18或以上即可儲分。
查詢：26017515
肥平：乜都放入口，最叻搵平嘢食，搞到肚腩大過佢個頭。