杜汶澤和梁洛施（Isabella）前晚起行到德國出席柏林電影節，二人合演的電影《伊莎貝拉》入圍電影節競賽部份，田蕊妮當然隨夫同行，而Isabella亦有母親和胞姊陪同出發。
Isabella帶了四箱行李，她說：「我準備咗十幾套衫，呢次LV贊助我鞋同手袋，而周生生就贊助我首飾。我會着條黑色吊帶裙行紅地氈，套衫好啱身，唔怕走光。」Isabella表示近日心情緊張，所以已帶定遊戲機上飛機玩減壓。
十九分之一機會
而阿澤則表示以平常心出發，他說：「未宣布入圍時就緊張，宣布咗就興奮，𠵱家去係當玩，十九套戲入圍，我哋有十九分之一機會。」
而《伊》片導演彭浩翔前日先抵柏林，問他的心情？他說：「我知道李英愛係評審，我係佢影迷，尤其喜愛佢舊年嘅《親切的金子》，特地帶咗DVD俾佢簽名。」
採訪、攝影：魯萍