女子組合Krusty日前為2%服裝品牌到日本拍攝新一輯春夏服裝平面廣告，除了一些流行服飾，還要穿上比堅尼泳衣拍攝。
Krusty表示得悉要拍攝比堅尼泳衣照時，非常擔心，一向被取笑為平胸一族，恐怕無睇頭，又無美感，Krusty說：「最初想用胸墊托胸，但係加咗胸墊好容易穿崩，效果又好假，後來廣告商話畀我哋知係睇中我哋有平胸美態，叫我哋唔使加工，估唔到我哋平胸一族都可以變成一種潮流。」
「有啲似飢民」
Krusty堅決反對做隆胸手術，成員張詠恩（Jan）說：「身材樣貌係天生，唔應該加工，不過我就覺得自己太瘦，舊年入院之後，就一直食極唔肥，𠵱家覺得自己有啲似飢民，希望今年做多啲運動，鍛煉好體魄。」
撰文：楊潔雯