吳家樂下月跟其士集團太子女周蕙蕙結婚，昨日被謝天華踢爆忙於安排酒席，其後錢嘉樂又不時拿吳家樂開玩笑，直指對方目前的身家有五十億，一臉尷尬的吳家樂只好說：「益力多（乳酸菌）呀？」
鄭希怡（Yumiko）、港男黃長興、錢嘉樂、謝天華和陳法拉等昨日在將軍澳電視廣播城出席無綫新單元劇《內有愛犬》記者會。
「佢係少爺仔嚟」
錢嘉樂表示跟女友李珊珊平淡中度情人節，但稍後會帶女友隨明星足球隊同赴菲律賓，更不忘揶揄將與其士集團太子女周蕙蕙結婚的吳家樂，他說：「我會同吳家樂擔任司儀，幾開心同啲咁厚身家嘅人做嘢。佢另一半個名係用叠字叫蕙蕙，我另一半又係用叠字叫珊珊，幾有緣呀，唔好睇小佢呀，佢都係少爺仔嚟㗎。」
此時吳家樂恰巧在化妝間出現，錢嘉樂跟他說：「你有五十億，我都有一億㗎。」吳家樂只好尷尬地說：「益力多（乳酸菌）呀？」錢嘉樂又指着吳家樂的袋謂：「真係唔同晒，孭呢啲袋。」吳家樂說：「個袋係我自己嘅，唔係手袋，我唔會幫人孭手袋。」
天華力撐好友
而謝天華談到有指吳家樂的前女友Sandra曾在天華的婚禮上擔任伴娘，又指家樂曾一腳踏兩船，謝天華維護好友之餘，卻不慎踢爆早前表明不擺酒的吳家樂正積極籌備酒席，他說：「佢前女友係我老婆嘅好朋友，佢哋已經分開咗好耐，之後家樂先同𠵱家嘅太太一齊，佢呢排都忙住籌備擺酒。」此外，Yumiko對於吳浩康終公開承認與胡定欣拍拖，她表示會恭喜對方。
採訪：卓美娟 攝影：何國豪
