搭上Soler超離奇<br>千嬅:成日𠝹嘢 木工咩

搭上Soler超離奇
千嬅:成日𠝹嘢 木工咩

有指楊千嬅猴擒組合Soler細孖Dino,並為對方減肥,千嬅昨日表示莫名其妙,自己連兩人誰是大哥誰是弟弟都未分清楚,但她表示自己沒有生氣,並謂:「成日話我𠝹嘢,你估我係木工咩!」

楊千嬅昨日到商台做錄音訪問,對於有報道指她猴擒孖仔組合Soler成員Dino,並投其所好,積極減肥改變形象,對此千嬅表示莫名其妙,她說:「我同佢哋真係唔熟,我連邊個係大佬,邊個係細佬都分唔到,都唔知發生乜事。不過都好感激本雜誌,對我市場價值嘅肯定,其實主打都係鄭中基,不過咁悶咪加啲新嘢囉,我只係覺得搞到人(指Soler)唔好意思,連我阿媽都問我係邊個嚟。」

感情事低調

問到千嬅會否不滿?她雖說不會,卻帶點激動說:「唔嬲,不過成日話我𠝹嘢,你估我係木工咩,木工都有錢收啦,雖然我形象似烈女,不過呢方面我係好低調,唔主動同好懶惰,如果唔係都唔會咁多年都係傳得阿鄭生(指鄭中基)啦。」
千嬅續說:「我忙到得閒死唔得閒病啦,話我減肥,咁我遲啲要拍打戲嘛,你有冇見過肥嘢會爬上樹,有冇肥嘢識輕功呀?」
再問與Soler見面會否感到尷尬?千嬅說:「唔會,我重會主動衝埋去同佢哋講唔好意思,搞到佢哋,後生仔係要經歷吓娛樂圈嘅嘢。」

大馬謝歌迷

此外,楊千嬅日前與古巨基飛往馬來西來出席「古舞飛揚馬來西亞新年演唱會06」記者會,門票在開售兩日內已賣出七成,二人開心得在台上扮成一對新人多謝歌迷支持。而大會更安排街頭簽名會,由於群情洶湧,千嬅在簽名會上,一度被迫到風扇前,頭髮被風扇亂吹,千嬅不理頭髮亂了,只是專心的指揮大馬歌迷們排隊合照,呼籲歌迷要遵守秩序。
採訪、攝影:胡比

基仔和千嬅得悉大馬演唱會售票情況理想時,笑逐顏開。

千嬅(右二)和基仔(右一)頗受大馬歌迷歡迎,不停為他們簽名留念。