丹麥漫畫風波蔓延香港，班回教徒聽日就會發起遊行，由尖沙嘴清真寺遊去位於油麻地聯合國難民公署，表示有所不滿咁。
由於個遊行號稱成三千人參加，好多人都擔心，會唔會好似外國唔少國家咁演變成騷亂，到時就好大鑊？呢點肥平都好洞悉先機，噚日專登請咗本港約九個伊斯蘭教領袖食咖喱餐，表面係食飯，實質都係安撫一吓佢哋情緒，等佢哋唔好咁激。
好彩，啲長老同肥平拍心口，話會盡量同警方配合，唔會亂咁搞事。席間重大讚香港傳媒處理事件好克制，聽落嗰日都會相當溫和。如果個遊行真係和和平平咁結束，肥平呢個親善大使，今次就肯定有分加喇。
傳真︰2623-9278
電郵︰[email protected]