鄭中基、官恩娜等前晚在上環為新片《至尊無賴》趕戲，鄭中基扮死瞓在馬路，嚇飾演警花的Miki和官恩娜一跳。鄭中基一人分飾兩角，他說：「我個角色係打唔死，帶出訊息係日日有希望，天天有奇迹。」
鄭中基、官恩娜（Ella）、Theresa和Miki等，前晚在上環拍攝新片《至尊無賴》，講述飾演女警的Ella、Theresa和Miki做卧底扮速遞員，並在街頭搜尋鄭中基，卻發現他被車撞倒在地，當她們走近時，他又忽然彈起身。
鄭中基表示在戲中會一人分飾兩角，他說：「一個忠，一個奸，奸角塊面有條疤痕，我重會戴假髮演出。我個角色係打唔死，好似貓咁有九條命，主要帶出一個訊息係日日有希望，天天有奇迹。」
Miki慶21歲生日
前日是情人節，問鄭中基可有給情人送禮物，他說：「唔講呢啲嘢。」可收到情人的禮物？鄭中基又說：「我收到Theresa畀我嘅朱古力。」
Miki前晚二十一歲生日，歌迷帶着壽包、花和禮物來探班，壽星女Miki說：「我噚晚已經同朋友開派對慶祝，不過好可惜，我唔記得拎佢哋送嘅數碼相機同心意卡，希望可以搵得番。」緋聞情人徐天佑可有出席生日會？Miki說：「冇噃，生日禮物都未收到。」天佑可有致電恭賀？Miki說：「佢有講生日快樂，叫我搵多啲。」
此外，Theresa前晚面腫腫，她解釋：「我喺Miki生日會飲咗一杯威士忌，之後都立即搭的士返屋企。」
採訪：胡比 攝影：陳慧安
