為買心頭好，要當機立斷，紅磡海逸豪園十六座高層F，七百五呎，望園，換樓客睇中，唔嫌連租約，照買如儀，打算約滿收番自住。 中原王淑儀話，業主喺上海，代理要飛去送定，作價三百九十六萬，每呎近五千三。業主兩年賺一成半，即五十一萬。 另利嘉閣趙文基話，二十一座中層C，近千二呎，以七百零八萬易手，每呎近六千一，市價。 業主三年幾賺逾四成，即逾二百一萬。