林苑和葉文輝昨日在尖沙嘴為「正東10周年10x10我至愛唱片選舉」進行抽籤。前日情人節，林苑表示並沒有與側田約會，只是獨自留在家中睡覺及看電視，她說：「原先都有朋友約我，但係怕畀記者影到，到時好敏感，所以都係留喺屋企。」
「我剃會型啲」
林苑正斟洽一部藝術電影，她考慮是否接受剃頭演出，她說：「𠵱家啲頭髮好差，剃咗頭可能重好啲。」至於側田有否給予意見，林苑面紅紅緊張地說：「咦！唔知呀！」
談到側田剃頭後會否比較有型？林苑笑說：「我覺得佢剃都ok，但係我剃會型啲。」會否情侶光頭示人？她說：「唔會，我只會為工作剃，生活中唔需要，我會為音樂放棄一切，拍拖都可以。」
採訪、攝影：張俊銘