男人唔多揹女人，抱女人呢，睇怕最多都係結婚嗰時，抱新娘入房嘅時候。南昌市一家大型商場前面，就搞咗一場別開生面嘅情人節「背老婆」大賽。比賽規則係，老公揹老婆，老婆腳不掂地，每十五分鐘，就可贏得黃金一克。比賽吸引咗十三對情侶參賽，重有臨時配對嘅男女朋友一齊參加，吸引咗好多市民觀看。