我極力推介朋友食蘆薈，因為蘆薈夠健康，好似我咁就成日用蘆薈除暗瘡，因為蘆薈有好強除菌作用，用嚟做美容就正晒。過程都好簡單，首先保持面部潔淨，喺洗面時，用潔面乳搓揉至起泡，再加入兩滴蘆薈汁潔面。另外，如果暗瘡啱啱生出，可以貼上一小塊蘆薈膠質，乾透後就可以用清水洗面，暗瘡就好快好㗎喇！
