噚日係西方情人節，商場做生意嘅黃金檔期，今年經濟好，啲客零舍爽手，好似大角嘴奧海城商場，食肆特別好生意，有啲一早book爆燈。 信和蘇蔡潔蓮話，奧海城情人節生意最好係食肆，預計增加兩成，其次係鑽飾、手表及美容品店，都係啲冧情人嘅指定禮物。 當然商戶本身都有諗計吸引消費者，例如美國果汁店，使出「錫一啖，減一蚊」嘅招數，最多可以減五蚊，大收旺場。