地產代理監管局(地監局),為咗推動代理業內人士持續進修,提升水準,本身都舉辦講座,畀業內報名參加。 下個月二十一號舉行嘅「專業領袖講座系列」,請嚟貿易發展局總裁林天福做主講嘉賓,講題《共同打造香港平台》。 貿發局喺全球有四十幾個辦事處,協助香港中小型企業及其他業務夥伴,創造商機,以及吸引更多海外企業,利用香港做平台,開拓中國以至亞太地區業務。今次講座免費,出席持牌代理,可以攞到兩個「非核心」科目學分。