陳煒、李彩華和龐維新夫婦等前晚在中環出席仁愛堂晚宴。陳煒透露情人節沒有花收，亦欠燭光晚餐，皆因與杭州男友分隔異地，只得與友人燒烤。不過，陳煒提到元宵節男友叮囑她食湯圓，仍然甜在心頭。
仁愛堂周年慈善餐舞會前晚在中環四季酒店舉行，請來許志安及芳華十八任表演嘉賓，同場舉行本地設計師DorianHo06resort系列時裝騷，李彩華與外籍模特兒一同行騷。
陳煒以大露背裙示人，她揚言未夠高度上天橋，她說：「我今日着五吋高跟鞋先騷到條長裙，大露背喺室內都可以，唔係太性感。」現場不時有小朋友向來賓募捐，陳煒見小朋友天真可愛，忍不住俯身親近對方，並捐出一百元。
問陳煒情人節如何度過？她直認有內地男友蜜運中，她說：「佢大我七年，喺杭州做生意，佢鍾意傳統多啲，重視中國情人節多個西方情人節，唔會送花喇。反而元宵嗰晚，佢打電話畀我媽咪，叫我記得食湯圓。」沒有男友相伴，陳煒謂將會與一班朋友及情侶BBQ度情人節。
亞熱帶風情
另一邊廂，龐維新太太Helena拿着JudithLeiber的hellokitty水晶晚裝袋，價值約兩萬元，她笑言可留給年幼女兒將來作嫁妝。提到情人節，Helena說：「結咗婚就冇情人節，又冇得講浪漫，好多事都係啲細路行先，老公個人都唔浪漫，所以都唔會送禮物。」
此外，DorianHo新作以亞熱帶花園為題材，色彩以大自然和諧調子為主，如天藍色、楓樹黃、蘋果綠等，配上真絲、雪紡及satin飄柔質料，洋溢浪漫醉人風情。
訪：RitaLeung 攝影：MatthewLam
