日股前日大散，昨日大升，港股走勢如同翻版。兩日埋單計，恒指差少少收復失地，H指則有2.1%進帳。
恒指是日上升108點，共有70點由中移動（941）、滙控（005）與中煤（003）所貢獻。其他藍籌夾埋其實唔係升得咁多，個市短期反覆中仍可睇好少少。
和黃C輪2211：和黃（013）仍然係拖低恒指最多嘅藍籌（不過係6.8點），收73.45元，跌0.50元。3意大利延遲上市，新聞已漸消化，9RSI跌到25.8，超賣咗，有反彈機會。長實（001）早段跌0.40元，收市反升0.50元。和黃學長實反彈，唔出奇。博和黃反彈，吼C輪2211，6月尾到期，輪價43仙，溢價6.6%，槓桿率17.1倍（有效8.6倍），引伸波幅26.8%。想大搏殺，搞9043，但隻輪剩番9日買賣，睇錯正股，9043會跌得好傷。正股如果唔郁，都冇得剩。輪價12.3仙，溢價2.3%，槓桿率59.7倍（有效28.3倍），引伸波幅21.8%。
地鐵C輪9196：地鐵（066）收16.25元，升0.20元，有破上月新高16.60元氣勢。執啲C輪搵錢，最佳對象係9196。
隻輪10月下旬夠鐘，輪價23.4仙，溢價3.1%，槓桿率6.9倍（有效5.2倍），引伸波幅26.2%。想刺激，買9073，槓桿率大好多。
章盛