旅遊業過去幾年經歷禽流感、沙士打擊，旅遊發展局獲得政府大力支持，撥款四億幾搞大型活動同埋對外宣傳，佢哋個總幹事臧明華噚日喺傳媒春茗上，亦都宣布成都個旅發局海外辦事處今日開幕啦，佢噚晚仲要即刻飛去成都參加開幕典禮，聽晚要飛返香港。
臧明華咁忙，原來伊人每晚只瞓四個鐘，十二點瞓，四點起身做嘢，仲利害過曾特首，直情成個女超人。佢好謙話當然唔係，只不過佢要理埋海外辦事處嘅嘢，我哋夜晚先係人哋嘅日頭。佢又話曾向外國人推介香港嘅早茶，喺深水埗有啲傳統嘅茶樓，啲客人四點幾就自己拉閘入去，佢仲話知道八方要夜間收工，好誠意請八方去試吓呢啲香港嘅特色文化㖭！
爆料熱線：29290000、27860099
報料傳真：26239278
報料電郵：[email protected]