李逸朗（Don）及蔣雅文（Mandy）前晚以情侶檔姿態出席在尖沙嘴舉行的情人節活動，並獲一商舖送贈情侶頸鏈，每條價值一千二百元，阿Don說：「呢啲可以合併嘅頸鏈最好要嚟做情人節禮物，女仔戴出街可以示威，叫其他人唔好亂嚟，話畀人知自己有男友。不過單身嘅千祈唔好戴，會趕走桃花。」
野蠻男友
阿Don表示以往拍拖，曾送一件寫上「我有男友，請勿觸摸」的熨畫T恤給女友，他說：「嗰陣個女友話女仔有人追先好，我就覺得自己女友冇人追都冇所謂，不過佢都冇着過件衫出街。」
Mandy則表示早前出席活動時重遇一位舊朋友，她說：「當年我同佢幾乎拍咗拖，嗰日見番佢，我哋離遠sayhi，我想攞佢電話時，佢已經走咗，如果佢睇到呢個報道，唔該打去英皇搵我，我想重溫學生時代，我哋成日去少年警訊會所玩㗎。」
採訪、攝影：王連連