新地租務總經理馮秀炎預期，大埔超級城今日情人節人流應該超過十六萬，比起平時閒日多兩成半，同舊年同期比，則有三成增長咁話。 何解睇得咁好？事緣從農曆新年起，商場人流同商戶生意額都一直保持強勢，加上元宵節溫馨氣氛未過，估計個勢一定可以旺埋鬼佬情人節，相信今個月商場營業額可以直迫億五，比上個月增加兩成半。